ISAMBILILO 18
Ukulanda Vino Vingasambilizya Awantu
1 Wakorinte 9:19-23
IVISINKA VYA KWIZUKA: Muzipizile ukusambilizya awantu mu nzila yino yingalenga wasyale wa kuyivwa ukuti wasambilizileko cimwi.
IVYA KUCITA:
-
Manyani vino awantu wamanyapo kali. Landani vino awantu wamanya kali mu nzila yino wasitela welenganyepo.
-
Ukuvwambilapo ivyewo vinji nu kwelenganyapo. Pano cayana, mungawomvya ivyewo ivipya nanti cino cicitisile pa kulondolola ivisinka vikulu. Yelenganyani pe vino vyovyo ivyewo vilemenkine na cino mukulonda ukusambilizya awantu.
-
Lekani walole umulandu wuno cino mukulanda cicindamizile. Londololani vino ivisinka vya mu Mawaliko vingawavwa. Landaniko mumwi muno wangaviwomvya.
