TLAMACHTILI 18
Xikinnextili kenijkatsa kinpaleuis tlen tikinmachtis
1 Corintios 9:19-23
TLEN MONEKI TIJCHIUAS: Xijchiua katli mitstlakakiliaj ma moyoliljuikaj ipan nopa tlamachtili, kiampa kimatisej momachtijkej se tlamantli tlen tlauel ipati.
¿KENIJKATSA TIJCHIUAS?
-
Ximoiljui tlake ya kimatij katli mitstlakakilisej. Amo san xikijto tlen achtouia ya moixtonki, xikinpaleui ma kimatikaj sekinok tlamantli.
-
Xijtemo sekinok tlamachtili uan ximoyoliljui. Kema tikixtomas tlen tlauel ipati, xijchiua kampeka tikijtos se keski tlamantli tlen katli mitstlakakiliaj amo kema kikaktoyaj o amo moiljuijtoyaj ipan nopa tlamantli. Ximoiljui ipan nopa tlamachtili tlen tikixtomas uan xikita tlaj mouika ika nopa sekinok tlamachtili tlen tijtemok.
-
Xikinnextili kenijkatsa kichiuasej ipan ininnemilis. Xikinixtomili kenijkatsa tlen Biblia kiijtoua kinpaleuis ipan ininnemilis. Xikijto ipan tlake tlamantli kinpaleuis tlaj kichiuasej tlen tikinmachtia.
