Tingim wanem audience savve finis. Winim wei for storyim nomoa samting wea audience savve finis long hem, teachim niu samting abaotem datfala subject long olketa.

Duim research and ting raonem subject. Sapos fitim, iusim samfala information wea iu faendem long research or wanfala story long nius, for sapotim olketa main point. Ting raonem gud subject bilong iu, and mek sure eni information wea iu tekem from research hem fitim subject bilong iu.

Mekhae long wei wea message bilong iu savve helpem audience. Storyim hao Bible savve helpem audience long wanem olketa duim evriday. Taem iu storyim samting pipol feisim, and wei and tingting bilong pipol, iusim olketa example wea fitim ples wea iu stap.