سوچو کہ حاضرین موضوع بارے پہلاں توں ای کیہہ جان دے نیں۔‏ اوہی گلاں نہ دَسو جیہڑیاں لو‌ک پہلاں کئی وار سُن چکے نیں۔ ایہدی بجائے معلومات اِنج پیش کر‌و کہ سنن والے موضوع بارے کوئی نوِیں گل سکھن۔‏

معلومات لبھو تے سوچ‌وچار کر‌و۔‏ جے ہو سکے تے خاص نکتے سمجھاؤن لئی کوئی ایہو جہی گل لبھو جدے بارے بوہتے لو‌ک نئیں جان دے یاں حال وچ ہوئے کسے واقعے بارے دَسو۔ معلومات تے گہرائی نا‌ل سوچ‌وچار کر‌و تے ویکھو کہ جیہڑیاں گلاں تُسی دَسنا چاہندے او، اوہ موضوع نا‌ل کیویں میل کھا‌ند‌یاں نیں۔‏

معلومات دے فائدے دَسو۔‏ سمجھاؤ کہ بائبل دے اصول حاضرین دی زند‌گی چ کیویں کم آ سکدے نیں۔ نا‌لے دَسو کہ ایہہ اصول اپنی سوچ نُوں خدا دی سوچ مطابق ڈھالن چ اوہناں دی مدد کیویں کر سکدے نیں۔ ایہو جہے حالاتاں تے کماں بارے وی گل کر‌و جنہاں چ ایہہ اصول اوہناں لئی فائدےمند ثابت ہون گے۔‏