Încăr conto anda soste prinjianen deja le manușa. Ando than te phenes mai butivar iech informația cai codola cai așunen-tu jianen-la deja, ajutisar-le te dichen o subiecto ande iech nevo modo.

Rode te prinjianes mișto o subiecto hai meditosar. Cana si posibilo, cher exemplea anda evenimentea hai fapte mai țâra prinjiande caște sicaves le idei importanto. Meditosar ca o subiecto vi ca o phanglimos cai si mașcar o subiecto hai le aspectea save cames te phenes-le.

Sicav sar si utilo chio mesajo. Phen codolenghe cai așunen-tu sar daștin te aven lenghe utilo le sfaturi biblico andi viața de fiesavo ghies. De duma anda situații, atitudini hai acțiuni cai interesil codolen cai așunen-tu.