Orhanye kw’ebi abumvirhiza bawe bakola baba bamanyire. Ahali h’okugalukira ebi abumvirhiza bawe bakola baba bamanyire, obarhabale barhanye omu njira mpyahya oku mwanzi oli wayigiriza.

Ojire obusagasi onarhanye bwenene oku mwanzi waganirira. Amango bihashikine, okolese emyanzi erhamanyikini bwenene erhi ebintu biri byaba mw’agano mango ly’osegeza entanya z’obulagirire. Orhanye bwenene oku mwanzi gwawe onalabe erhi gugwerhe olushangi n’ebintu oli walonza okuderha.

Oyerekane gurhi omwanzi gwawe gwakarhabala abumvirhiza bawe. Ohugûle gurhi ebiri omu mandiko byakarhabala abumvirhiza bawe omu kalamo kabo ka ngasi lusiku. Oganirire kanga kalebe, amorhere n’ebijiro biyerekire abumvirhiza bawe.