FIANARA 18
Misy Raha Ianarani-Mpijanjy
1 Korintianina 9:19-23
INO TY IANARA ATO? Ampeo ty mpijanjy handiniky ani-ze raha volany sady hahatsapa hoe nisy raha soa nianaran-drozy.
AKORY TY ANAOVA AZY?
-
Diniho ze raha fa haini-mpijanjy. Ka mampimpoly ze raha fa niren-drozy avao, fa ampeo rozy hanenty ani-fanazavà iny amy fomba vaovao.
-
Manaova fikaroha, le diniho soa. Laha azo atao, le miresaha raha tsy de mahazatsy na raha niseho faramparany mba hanazavà hevitsy bevata. Diniho soa anjaranao iny noho ty ifandrambesany amy ty raha teanao hambara.
-
Atorò hoe manino ro ilà ty hevitsy ambaranao. Hazavao hoe manino hevitsy baka amy Soratsy Masy ao iny ro manampy ty mpijanjy anao amy fiainany andavanandro. Ataovo voafaritsy noho mety soa amy mpijanjy ty raha misy, toe-tsay, na fihetsiky resahinao.
