WOTO 18
Be dee haikama fii taa de lei wan soni
1 Kolenti 9:19-23
DI SONI DI I MUSU DU: Konda wan woto da dee haikama di o mbei de go pakisei fëën, söseei di o mbei de fii taa de lei wan bunu soni.
FA I MUSU DU ËN:
-
Pakisei andi dee haikama fii sabi kaa. Ka fii toona taki u wan soni di de bi jei kaa, nöö heepi de u si di woto a wan hii woto fasi di de an bi sabi jeti.
-
Öndösuku soni, nöö pakisei fundu u de. Ee a sa, nöö taki u soni di de an bi sabi jeti nasö u soni di pasa, u tja wan fanöudu pisi u di taki fii ko a fesi. Pakisei fundu unfa dee soni dee joo taki ta kai ku dee soni dee i kë konda da de, di de an sabi jeti.
-
Be dee haikama si unfa dee soni dee i ta taki sa heepi de. Konda da dee haikama unfa dee soni dee sikifi a di Bëibel sa heepi de a de libi. Taki u soni di pasa, u soni di sëmbë ta pakisei, söseei u soni di sëmbë du, di sa heepi dee haikama.
