Prakseri san den arkiman fu yu sabi kaba. Na presi fu taki fu sani di den sabi kaba, yepi den fu si a tori na wan fasi di den no ben si en ete.

Ondrosuku sani èn denki dipi. Kande yu kan gebroiki wan sani di den arkiman no ben denki fu en noso di den no yere ete, fu tyari wan prenspari penti fu yu lezing kon na krin. Ma denki dipi fosi, so taki yu kan de seiker taki a sani di yu o taki, e fiti.

Meki den arkiman si fa a boskopu fu yu kan yepi den. Fruklari fa wan Bijbeltekst noso wan Bijbel tori kan yepi den arkiman na ini a libi fu den. Taki fu wan situwâsi, fu son denki di sma abi èn fu son sani di sma e du, so taki den arkiman kan si fa a tori kan yepi den.