CIIYO 18
Makani Aagwasya Baswiilizi
1 Bakorinto 9:19-23
NCOMWEELEDE KUCITA: Amubakulwaizye baswiilizi banu kwaayeeyesya makani ngomubandika kutegwa babone kuti kuli cintu cimwi cigwasya ncobaiya.
MBOMUKONZYA KUCITA OOBO:
-
Amulange-lange zintu nzyobazyi kale baswiilizi banu. Muciindi cakwiinduluka buyo kwaamba zintu nzyobazyi kale, amubagwasye kwaabona munzila iindene makani aayo.
-
Amuvwuntauzye alimwi akuzinzibala kuyeeya. Ikuti kakuyandika, amubikkilizye atwaambo twamasimpe tutazyibidwe kapati naa zintu izyakacitika ino-ino ikukankaizya twaambo tuyandika kapati. Amuzinzibale kuyeeya kujatikizya makani aanu alimwi akweendelana kuliko akati kamakani aayo atwaambo ooto twamasimpe ntomuyanda kuyakwaamba.
-
Amutondezye mbougwasya mulumbe uuli mumakani aanu. Amupandulule twaambo ituli mu Magwalo mbotukonzya kubagwasya baswiilizi banu mubuumi bwabuzuba abuzuba. Amubandike bukkale bugaminide, bube bwabantu alimwi amicito njobabikkila maano kapati baswiilizi banu.
