Kambisisa leswi vayingiseli va wena se vaswi tivaka. Matshanwini yaku phindha leswi vayingiseli va wena kunga khale se vaswi tiva, va pfune leswaku va vona nhlokomhaka hi ndlela leyingata koka yingiso wa vona.

Yendla ndzavisiso u tlhela u yanakanyisisa. Loko swi koteka, hunguta swiyendlakalo leswi tiviwaka ngopfu leswaku u kombisa timhakankulu. Yanakanyisisa hi wuyenti hi kuyelana loko kunga kona xikarhi ka mhaka leyi u lavaka kubula hi yona ni swiyendlakalo leswi u lavaka kuswi tirhisa tani hi xikombiso.

Hlamusela matirhela ya mhaka. Hlamusela ndlela leyi timhaka ta matsalwa tingava pfunaka hi yona ka wutomi la vona la siku ni siku. Bulisana ni vayingiseli va wena hi swiyimo, mahanyelo yokarhi ni swiyendlo leswinga swa lisima ka wutomi la vona hi kukongoma.