Mafaufau ki mea ko oti ne iloa ne au tino fakalogo‵logo. I lō te toe faka‵foki atu o mea kolā ko oti ne lagona muamua ne latou, fesoasoani ki a latou ke ‵kilo ki te mataupu tenā mai i se kilokiloga fou.

Sukesuke kae mafaufau ‵loto. Kafai e mafai, ke aofia ne manatu kolā e se masani ‵lei ki ei a tino io me ne tala ‵fou o mea ne ‵tupu ke faka‵mafa atu ei se manatu tāua. Mafaufau faka‵lei ki manatu i tau mataupu mo te auala e soko ei a manatu konā mo tala kolā e manako koe o fakaaoga.

Fakaasi atu te aoga o tau fekau. Fakamatala atu te auala e aoga ei a manatu konā mai te Tusi Tapu ki au tino fakalogo‵logo i olotou olaga i aso takitasi. Sau‵tala ki ne tulaga i te olaga, amioga, mo faifaiga kolā e fetaui ‵lei mo au tino fakalogo‵logo.