ˈCƖƐCƖƐKÏBHË 19
ˈTɛmanɩ ˈyli yɔwʋ -n ˈkä ˈyukwlipʋnɩwaa a dila kɛ zɩ
Proverbes 3:1
ˈSAA -N ˈKÄÄ NƲ: Kwänɩ ˈyukwlipʋnɩwaa nzɩ ˈsaa wa cɩɛ a sɛ yɩ kää dɛsɛ, wa ˈkɩ ˈmö ˈnʋ ˈn wa ˈkɩ -gänɩ.
SƐƐ -N ˈKÄÄ ˈZƲ:
-
ˈSunɩ -mä ˈyukwlipʋnɩwaa wa ˈkä waɲɩ ˈmö vɩɛ. ˈYɩbhänʋa ˈkïbhï ˈwʋ, -yɩ ˈkʋa kwänɩ wa ˈkä waɲɩ ˈmö vɩɛ, nzɩ wa ˈkä sɛ wa pää dlɩ yɔwʋ yɩlɩ.
-
Dlɩpäsaa -a nɛnɩɛ, bhïla a wɛlɩɩ. ˈSaa kää ˈŋlɩ ˈn wa nʋä -li a -lii, kwänuë wa ˈkɩ dlɩ kɛ ˈpänɩ. ˈSunuë -mä wa ˈkä ˈsaa nɛnɩɛ dlɩ ˈwʋ ˈpä. Mɩɛ nɩɩ, wa ˈkä Zoova a -wawʋ dlɩ zɛmö -kä, wa ˈbhɩa a -wawʋ, ˈn ˈsaa Biblë ˈcɩa a -wawʋ kökä. Sɛ -n ˈkʋa kwänɩ nzɩ wa ˈkɩ ˈylɩmö nɩɩ, Biblë kä ˈnɛɛnɩwɛlɩɩ ˈmö, mö -n nɩ tɛlɩ sɛ, maa tuë wɛlɩɩ bhïlanɩ. Tɩ ˈyukwlipʋnɩwaa zʋ ˈlɩbhanɩ. Maa, -naˈa bhïlabhuluu -kä zɛmö bhɩɛ, wʋ nɩ ˈpʋa swɩ ɲɛmʋ ˈmö, nzɩ ˈsaa wa bhɛnɩɛ wa ˈkʋ nʋ.
-
Kwänuë wa ˈkɩ ˈylɩmö nɩɩ ˈcɩawɛlɩɩ ˈwuë, Zoova ˈmö yɩ ˈbhöönɩɛ ˈmö. Tula nɩɩ, Biblë ˈmö a ˈcɩawɛlɩɩ ˈwuë, ˈpäpägböö -ɲɛ gböö ˈsɔ, Zoova ˈa -wʋwʋsaa ˈn sɛ ɔ -waɲɩɛ, ˈmö yɩ sʋlʋnɩɲɩɛ. Kwänuë wa ˈkä Zoova a -wawʋ dlɩ zɛmö -kä, wa ˈkä ˈwa nʋnʋlii dlɩ kɛ ˈpänɩ, wa ˈkɔ dlɩ yɔwʋ nɛnɩ.