Volô’ô bôte na be fase bebien. Sili’i be avale minsili bebien b’aye yalan nleme wop été, asu ya na be yene mfi ya jam wo ye’ele be.

Volô’ô be na be bi mbamba nkômban. Tindi’i bôte ba vô’ôlô na, be fas a yem amu jé ba bo mbamba be mam. Volô’ô be na be tu’a bi nkômbane ya nye’e Yéhôva, bôte bevok, a miñye’elane ya Bible. Laan a be, te bem asu dôé mefep ô bili. Te bame be nge ke komekane be, va’a be ngule nyul; amane ya nlô ajô wôé, tindi’i be na be ke ôsu a yaé a ve ngule ya bo mbamba be mam.

Va’a Yéhôva duma. Dañe’e belane Mejô me Zambe, miñye’elane ya Bible, a metiñe ma liti mefulu me Zambe a abim a nye’e bia. Bo’o na bôte ba vô’ôlô wo be bi nkômbane ya yem avale Yéhôva a wô’ôtane mam, a nkômbane ya ve nye nlem avak.