Omaminiatopo 19
Èʼkuko nietarïkonʼwa apoponoʼporïkon poko piaʼme yèʼchoʼkonʼme
Proverbs 3:1
Oʼto owèʼchopo: Oweuran etanamo epatomako tïwòmepaʼmatoʼkonïmboʼwa topatomarïkomba upuʼtoʼme iʼyainie, piaʼmero tïweísheinie yèʼchoʼkonʼme.
Neiara moro paʼme oweijïpïa:
-
Oseke yoimiengarïkon poko oweuran etanamon apokumako. Ènuminganoʼpotoko oʼtonoʼme tïwòmepaʼmatoʼkonïmbo amïʼcharï poko iʼyainie.
-
Juʼpïn poko tïweísheiniepa oweuran etanamo weiji amïʼchako. Apokumatoko yoimiengatoʼkonʼme oʼtonoʼme tïʼwainie Opoto Papa amïʼcharï poko. Epatomatoko amïʼchase yèʼchoʼkonʼme amu noro tapokurukonme enerï tïʼwainie, kariʼniakon eropa, Opoto Papa Karetarï ta tïwòmepatoʼkon eropa. Ènuminganoʼpotoko neiara opatomato pane roten Opoto Papa Karetarï tanokon weijï poko. Eʼmapotïrïkon paʼme te oweuranai ijoseʼpa yaame kïsapoponoʼpoton. Onekarichïrï matïʼpo mero tapokumasan aposen, ambore joke tïwòmepaʼmatoʼkonïmbo paʼme tïweísheinie kïneiaton.
-
Jehoba poko ne upuʼpoko iʼyainie. Enepoko iʼyainie neiara Charetarï ta wòmepatoʼkonʼwa, amukon roten ichaʼmatoʼkonïmboʼwa eropa Jehoba emerïkon upuʼporï, choʼpo eropa tapokurume konerïkon iʼya. Oweuran etanamo epatomako Jehoba wotaporï po yoʼpotïrïkon poko ïpotoʼme tïʼwainie.
