Kwasa waze anakupanjika alihengwole-ene. Hula yihula yize muyikwasa atu ali mu mbunga alihengwole-ene mu ma mbunge jo.

Akolweze anunge ni mbunge yipema. Kolweza waze anakupanjika amone mumu liaka akulinga yuma yipema. Akwase anunge ni mbunge yipema hakutwala ku kuzanga Yehova, ni atu-ni-akwetu ni yize nawa akulilongesa mu Mbimbiliya. Akwase amone mana atwama mu yize Mbimbiliya yakwamba. Kanda ulinga ngwe unahanjikila wika. Kanda wevwisa sonyi, akolweze wika hanga muze muhwisa pande je akanunge ni kulinga yize yalita.

Kwasa atu azange chinji Yehova. Solola chize malongeso ni shimbi ja Mbimbiliya yakusolola yitanga ya Yehova ni zango lienyi hali yetu. Kwasa waze anakupanjika apwe ni kunyonga chinji ha chize akwivwa Yehova ku mbunge hanga apwe ni kumuvwisa kuwaha.