Ka tólmiy jitaʼ ti atsʼál abal kin tsalpay kʼal jawaʼ kʼwajat in tʼajál tin ejatal. Ka tʼajaʼ i konowixtaláb abal jitaʼ ti atsʼál ka tsalpaxin ani kin kwetém exlaʼ jawa waʼats tin ichích.

Ka uchaʼchik abal jawa in tʼajál lej alwaʼ kom in tʼajál kʼal patal in ichích. Ka tólmiy jitaʼ ti atsʼál abal kin tsalpay jaleʼ kʼwajat in tʼajál i alwaʼ tʼajbiláb. Ka tolmiychik abal kin léʼnaʼ kin tʼajaʼ jawaʼ alwaʼ kom in kʼanidhál a Jehová, an atiklábchik ani an exobchixtaláb axi ti Biblia. Ka tólmiy jitaʼ ti atsʼál abal ka tsalpaxin, yab ka itʼixbédhaʼ kʼal yan i káw. Ka tʼajaʼ abal jitaʼchik ti atsʼál kin léʼnaʼ kin punuw ti tʼajbiláb jawaʼ a exóbchij, yab ka tidhebédhaʼ.

Ka tejwamédhaʼ abal jawa a olnál tál kʼal a Jehová. Ka tejwamédhaʼ abal an exobintaláb, an tsalpadh káw ani an abatnaxtaláb axi ti Biblia tu tólmiyal ki exlaʼ más a Jehová ani tu tejwamédhanchal abal tu kʼanidhál. Ka tólmiy jitaʼchik ti atsʼál kin léʼnaʼ kin tʼajchij in kulbétal a Jehová ani kin tsalpay jantʼoj in atsʼál.