Tulongam dagiti agdengdengngeg a mangsukimat iti bagida. Agusar kadagiti mamagpanunot a saludsod (retorikal a saludsod) tapno matulongam dagiti agdengdengngeg a mangusig iti bukodda a rikna.

Tignayem dagiti agdengdengngeg a maaddaan iti nasayaat a motibo. Tignayem ida a mangpanunot no apay nga agar-aramidda iti nasayaat. Tulongam ida a maaddaan iti kasayaatan a motibo​—ti ayat ken Jehova, iti pada a tao, ken kadagiti sursuro ti Biblia. Makirinnason kadagiti agdengdengngeg; dimo sermonan ida. Imbes a napabainanda kalpasan ti presentasionmo, naparegtada koma ken natignayda a mangaramid iti amin a kabaelanda.

Iturongmo ken Jehova ti atension. Itampokmo no kasano a dagiti sursuro, prinsipio, ken bilin ti Biblia ipakitada dagiti kualidad ti Dios ken ti ayatna kadatayo. Tulongam dagiti agdengdengngeg nga ikabilanganda ti rikna ni Jehova ken ti mangparagsak kenkuana.