Постарын сыныхтирға полыс. Чувстволарын піліп алзыннар тіп, тирең сағынарға кӧӧктірчеткен сурығлар турғыс.

Исчеткеннернің чахсы хылыхтарын усхур. Исчеткеннерні ноға олар чахсы киректер итчеткеннеңер сағынарға кӧӧктір. Иеговаа, чағын кізілерге паза Библияа хыныс чахсы киректерні идерге кӧӧктірчеткенін ундутпа. Нахланып ӱгретпе, че исчеткеннернең хада теманы ӱзӱр. Пыролабин, кӧңнілерін кӧдірзең, чоох соонда исчеткеннер чахсы киректерге прай кӱстерін саларлар.

Иеговаа чағыннирға полыс. Худайның качестволары паза кізілерге хынызы Библиядағы ӱгредіглерде, принциптерде паза чахығларда хайди кӧрінчеткенін іле кӧзіт. Исчеткеннерге Иегованы ӧріндірерге хынарға паза аның чувстволарын хаҷан даа санға аларға полыс.