Tusar­naar­titit pis­sutiginiak­kamin­nik misis­sueq­qul­lugit ikiuk­kit. Tusar­naar­tivit misigis­sutsimin­nik misis­suinis­samut iluaqutigisas­saan­nik eq­qarsalersitsiniutinik apeq­quteqarit.

Tusar­naar­titit kajumis­suseqar­neruler­sik­kit. Tusar­naar­titit sooq ajun­ngitsulior­tar­nermin­nik eq­qarsaatigin­neq­qul­lugit kajumis­saak­kit. Jehovamik inoqam­mil­lu asan­nin­neq Biibilimilu ajoqersuutigineqar­tunik qujamasuutigin­nin­neq tun­ngavigalugit iliuuseqar­nis­saan­nut kajumis­saak­kit. Tusar­naar­titit oqaaq­qis­saar­nagit eq­qarsalersik­kit. Ilerasulersin­nagit saq­qum­mius­sinip­pit naggataani sapin­ngisamik pitsaaner­paamik iliuuseqar­nis­samut qiim­mas­sak­kit.

Jehovamut in­nersuus­sigit. Biibilimi ajoqersuutit, najoq­qutas­siat peq­qus­sutil­lu Guutip pis­susiinik uagutsin­nil­lu asan­nin­neranik qanoq ersersitsisut nas­suiaruk. Tusar­naar­titit Jehovamik nuan­naar­titsinis­samut misigis­susiinil­lu in­nimigin­nin­nis­samut kajumis­suseqalersik­kit.