Alî guhdaran bike ku ew xwe analîz bikin. Bi pirsan alî guhdaran bike ku ew li ser hîsên xwe bifikirin.

Guhdaran teşwîq bike. Alî guhdaran bike ku ew xwe analîz bikin ku ew bi çi niyetê guh didin Xwedê. Alî wan bike ku ew ji Yehowa, ji mirovan û ji hîndariyên Kitêba Pîroz hez bikin û bi vê niyetê guh bidin Xwedê. Tenê ders nede guhdaran, lê tevî wan muhakeme bike. Wan neşermîne, lê wan teşwîq bike ku ew bixwazin çi ji destê wan tê, wê bikin.

Bala guhdaran bikişîne ser Yehowa. Nîşan bide ku hîndarî, prensîp û qanûnên Kitêba Pîroz sifatên Xwedê û hezkirina wî çawa xuyanî dikin. Daxwaza guhdaran zêde bike ku ew fikrên Yehowa bikin hesabê û bixwazin dilê wî şa bikin.