Kwanjok bakukuukun mat bwa biijoojolol bab kaayaabw. Umb bakukuukun mat majooj mawudy kuy waalabul, ki miibambambulwiish bwa kwiikontononobw bwa mudyobw biiyumvw.

Iibakashish bwa balong ni mwaababw moos bwa kulongobw myand yilengel. Kwanjok bakukuukun mat bwa kukontononobw tubingil twiibasaasak bwa kulongobw myand yilengel. libambulwiish bwa kwiikalobw ni tubingil tulengel tweeh ootw: kukat Yehow, kukat muut naabw ni kukat malongweesh ma mu Bibl. Iibeeleshesh meej, kaay wiibabolekel. Ku bulekel bwa mwiisamb iibuh, hamut a bakukuukun mat kumvwobw bumvw, long bwa bashaal ni musangal, biiyumvw neey udy mwiibakashish, ni biiyumvw basak bwa kulongobw myand yilengel.

Long bwa Batum meej maababw kudy Yehow. Leej hatook mudy malongweesh, may matam ni mikenj bileej biikadil bya Mawej ni mudyey mwiitukat. Long bwa bakukuukun mat bamanyik cikaakaam Yehow bwa babw kumanyik mudyobw mwa kumusangej.