Ɛp di wan dɛn we de lisin to yu fɔ chɛk dɛnsɛf. Aks kwɛstyɔn dɛn we go ɛp di wan dɛn we de lisin to yu fɔ chɛk di we aw dɛn de fil.

Ɛp pipul dɛn fɔ du wetin dɛn de lan. Mek lɛ di pipul dɛn no wetin mek dɛn fɔ du gud tin dɛn. Ɛp dɛn fɔ du tin bikɔs dɛn lɛk Jiova, dɛn kɔmpin mɔtalman, ɛn di tin dɛn we di Baybul de tich. Nɔ tɛl di wan dɛn we de lisin to yu wetin fɔ du, bifo dat, ɛp dɛn fɔ no wetin mek di Baybul in mɛsej mek sɛns. Bifo yu mek di pipul dɛn shem ɔ fil bad bɔt wetin dɛn bin dɔn du, ɛnkɔrej dɛn ɛn ɛp dɛn fɔ fil fayn afta yu dɔn fɔ tɔk, dɔn ɛp dɛn fɔ du dɛn bɛst.

Drɔ di pipul dɛn atɛnshɔn to Jiova. Sho aw di tin dɛn we di Baybul de tich, di prinsipul dɛn na di Baybul, ɛn Gɔd in lɔ dɛn de sho in kwaliti dɛn ɛn di lɛk we i lɛk wi. Mek lɛ di pipul dɛn lan fɔ de tink bɔt aw Jiova de fil ɛn fɔ de du tin dɛn we go mek i gladi.