Sadisa awana bekuwanga mu toma kuyifimpa. Sadila e yuvu ilenda sadisa o wantu mu fimpa e ntima ye makani mau.

Simba e ntima mia wantu. Kasakesa o nkangu mu yindula e kuma bevangilanga oma mambote. Ubasadisa kimana bayambula vo zola muna Yave, muna wantu ye muna malongi ma Nkand’a Nzambi kwabafila mu vanga oma mambote. Sadisa o nkangu bamona e ngangu zina muna malongi ma Nkand’a Nzambi; kubatumbi ko. Vana fulu kia kubafusulwisa e nsoni, ubasadisa kimana kuna mfoko a longi diaku bamona vo kasakesa ubakasakese mu vanga mana balenda.

Tunta e sungididi kia wantu muna Yave. Songa una malongi, nkanikinu ye nsiku mia Nkand’a Nzambi misongelanga e fu yambote ya Yave yo zola kwandi muna yeto. Sadisa o nkangu mu vava zaya e ngindu za Yave yo kala ye tima dia kunyangidika.