Amucafwe batookutika kuyeeya pabuumi bwabo. Amwiipushe miipusho yeenga yapa bantu kuyeeya pabuumi bwabo.

Amucafwe batookutika kushiba kabotu shibayuminisha kusebensela Yehova. Amuyuminishe batookutika kuyeeya bunene cibapa kwaamba ayi banoocita shibotu. Amubacaafwe kushiba kwaamba ayi kusuna Yehova, kusuna babyeesu, akusuna Baibo nshoiisha nkokweelete kutupa kucita shintu shibotu. Amucafwe batookutika kubona bubotu bwa busongo bwamu Baibo; mutabalwiiti nshobeelete kucita. Muciindi cakubalensha nsoni na kubapa kulinyumfwa anga balicite mulandu, amubayuminishe cakwaamba ayi pesule lya likani babe alusuno lwakucita shibotu kushika mpobeela.

Amucafwe bantu kubikila maano kuli Yehova. Amutondeshe Baibo nshoiisha, njiisho amilawo yakwe Lesa mboshitondesha mibo yakwe ambwaatusuni. Amucafwe batookutika kuyeeya Yehova mbwaalinyumfwa ansheenga twaciita kwaamba ayi tumusangalashe.