Kafwa vaze vali nakukwivwilila valikekese. Watela kuhulisa vihula vyakukumbulwila mumichima vize navilingisa vaze vali nakukwivwilila vakekese vishinganyeka vyavo.

Vakolezeze vatwaleho kulinganga vyuma vyakwoloka. Kolezeza vaze vali nakukwivwilila vahunanane havyuma vyeji kuvalingisanga valinge vyuma vyamwaza. Vakafwe vafwile lika kulinga vyuma vyamwaza vyakufwana nge kuzanga Yehova navakwavo vatu, nakuzanga nawa vyuma yanangula Mbimbiliya. Watela kuvalweza ovyo chapwila chamwaza kukavangiza jindongi jamuMbimbiliya. Kaha nawa kawatela kuhanjika mujila yakuvevwisa sonyiko oloze hakukumisa kuhanjika chihande chove, vatu vatela kulivwa ngana ngwavo chihande chinavakolezeza vatwaleho kuzata hakumina ngolo javo.

Lingisa vatu valise Yehova. Shindakanya omwo vyuma yanangula Mbimbiliya, najindongi, najishimbi jatwamamo vyasolola vilinga vyaKalunga nazangi yenyi yakutuzanga etu. Kafwa vaze vali nakukwivwilila vafwile kwijiva omwo eji kwivwanga Yehova nakulinga vyuma vize navimwivwisa kuwaha.