Tisenkoai nga tije katasíkjaʼaitsjenjinni. Tikatiui kjoachjonangi xi koasenkao nga sikjaʼaitsjenjin jotjío ni̱ma̱le.

Tisenkoai nga kao kjoatsjoa katasítjoson jme xi kjimajinle. Tisenkoai xi tjíonrʼoéli nga katasíkjaʼaitsjenjin ánni nga kui kʼoasʼínni xi ndatjín. Kʼoatʼinlai nga kui kʼoasʼínni nga tsjoake Jeobá, nga tsjoake chjota kao jmeni xi bakóya je Biblia. Katamajinle jme xi tiʼmiyalai, ali toʼénjin binyandonai. Nga jekjoetʼa kjoanokjoayali, alikui tjínnele nga soa koa̱nle je xi tjíonrʼoéli, tosaa tjínnele ñaki kʼoasa̱tío kon nga kʼoasʼin je xi ndatjín.

Je Jeobá kuenta katasʼín. Kʼoasi josʼin bakó kjoatsjoachale Jeobá jmeni xi bakóya Biblia, kjoafaʼaitsjen xi faʼaitʼa kʼoa kao kjoatéxoma xi faʼaitʼa. Kʼoati si jósʼin bakó jebi jokjoan Niná. Kʼoatʼinlai xi tjíonrʼoéli nga kuenta katasʼín jotjín kon je Jeobá kʼoa nga nda katabʼé kon je Jeobá.