Колыштшо-влаклан шкеныштым тергаш полшо. Колыштшо-влаклан шижмашыштым терген налаш полшаш манын, шонкалаш таратыше йодыш-влакым кучылт.

Колыштшо-влакым порылан кумылаҥде. Колыштшо-влакым шонкалаш тарате: поро пашам ышташ нуным мо кумылаҥда? Эн сай таратыше амалже — Иеговам, лишыл-влакым да Библийым йӧратымаш. Колыштшо-влакым ит шылтале, нунын дене пырля шонкале. Нуным вожылтарыме олмеш кумылаҥдаш тырше. Тыйын ойлымаш деч вара тек нуно курыкым савыраш ямде лийыт.

Иегова деке лишемаш полшо. Кузе библийысе туныктымаш, принцип да кӱштымаш-влак Юмын койышыж-влакым да тудын йӧратымашыжым ужаш полшат палемдаш тырше. Колыштшо-влаклан Иеговам куандараш да тудын шижмашыжым эре шотыш налаш кумылыштым вияҥдаш полшо.