SAK 19
Modg-y tɩ y goamã kẽ nebã
Y SẼN TÕE N MAAN TO-TO:
-
Sõng-y kɛlgdbã tɩ b fees b mense. Sok-y-b sogsg sẽn na n sõng-b tɩ b fees b mens n bãng bũmb nins sẽn be b sũurẽ wã.
-
Wilg-y tɩ y kɩsa sɩd tɩ b rat n maana sẽn yaa tɩrga. Sõng-y-b tɩ b bao n bãng bũmb ning sẽn kɩt tɩ b tʋmd tʋʋm-sõma wã. B tog n bãngame tɩ yaa b sẽn nong a Zeova wã, neb a taabã, la bũmb nins Biiblã sẽn yetã n kɩt tɩ b tog n tʋmd tʋʋm-sõma. Sõng-y kɛlgdbã tɩ b bãng Biiblã sagls sẽn tõe n naf-b to-to. Ra gom-y tɩ yaa wa y ningd-b-la taal ye. Ra togs-y goam sẽn na n sãam b sũur ye. Modg-y tɩ y sõsgã ne a sa, bɩ kɛlgdbã paama raoodo, n dat n maan b sẽn tõe fãa n tũ y sẽn yeel-bã.
-
Gom-y-yã a Zeova yell n yɩɩda. Wilg-y Biiblã goamã, a saglsã la a noyã sẽn sõngd ned to-to t’a bãng a Zeova sẽn yaa Wẽnnaam ning buudã, la a sẽn nong tõnd to-to wã. Sõng-y kɛlgdbã tɩ b rat n bãng a Zeova sẽn date, la b sẽn tõe n maan n ta a yam.