ကိုယ့်ကိုယ်ကိုယ် ပြန်ဆန်းစစ်တတ်အောင် ကူညီပေးပါ။ သူတို့ကိုယ်တိုင် ဘယ်လိုခံစားရသလဲဆိုတာ ပြန်ဆန်းစစ်တတ်အောင် အဖြေမလိုတဲ့ မေးခွန်းတွေ မေးပါ။

မှန်ကန်တဲ့ လှုံ့ဆော်မှု ခံစားရစေပါ။ မွန်မြတ်တဲ့အလုပ်တွေကို ဘာကြောင့်လုပ်တယ်ဆိုတာ ပြန်ဆန်းစစ်ဖို့ နားထောင်နေသူတွေကို အားပေးပါ။ ယေဟောဝါနဲ့ လူတွေကို ချစ်လို့၊ ကျမ်းစာသွန်သင်ချက်တွေကို နှစ်သက်လို့ လုပ်ဆောင်တာမျိုးဖြစ်ဖို့ ကူညီပေးပါ။ သွန်သင်ချက်ပေးတဲ့ပုံစံနဲ့ မဟုတ်ဘဲ သူတို့နဲ့ ကျိုးကြောင်းဆင်ခြင်ပါ။ သင့်ဟောပြောချက်အပြီးမှာ စိတ်အနှောင့်အယှက်ဖြစ်စေမယ့်အစား အကောင်းဆုံးလုပ်ဆောင်ဖို့ အားပေးမှု၊ လှုံ့ဆော်မှု ဖြစ်စေပါ။

ယေဟောဝါကို အာရုံစိုက်စေပါ။ ကျမ်းစာ သွန်သင်ချက်တွေ၊ မူတွေ၊ ပညတ်တွေက ဘုရားရဲ့ အရည်အသွေးတွေနဲ့ ဘုရားရဲ့မေတ္တာအကြောင်း ဘယ်လို ဖော်ပြသလဲဆိုတာ ပေါ်လွင်စေပါ။ ယေဟောဝါရဲ့ ခံစားချက်ကို ထည့်စဉ်းစားပြီး ဘုရားနှစ်သက်တာကို လုပ်ချင်လာအောင် ကူညီပေးပါ။