Yachacushcata cuentata cuchunmi tapuicunata rurana cangui. Chashnami paicunaca ‘¿caitaca pajtachicunichu? o ¿manachu pajtachicuni?’ nishpa yuyaringacuna.

Alli cosascunata rurachun animai. Obligadollamanta imatapish ama rurachunmi animana cangui. Ashtahuanpish Jehová Diosta, paipaj Shimita, gentecunata valorashcamanta imatapish rurachunmi animana cangui. Maipishcachun parlashpaca paicunatami malpi quedachingui. Chaipaj randica sumajta parlanacushpami yachachina cangui. Chashnami paicunaca allita ruranata munangacuna.

Ima yachaipish Jehová Diosmanta shamuj cashcatami ricuchina cangui. Dios ñucanchijta cꞌuyashpa Bibliata, paipaj mandashcacunata cushcatami alli intindichina cangui. Shinallataj Yaya Diosta cushichichun imata rurana cashcatami yachachina cangui.