Paicunapillata pensarichun ayudapangui. Quiquinda uyajcuna paicunallata pensarishpa imata ruranata cuenta japichunmi, tapuicunata rurana capangui.

Alita rurangapaj munaimanda imagutapash rurachun animapangui. Pundapica imamanda alita ruranajushcata yarichipangui. Chai jipami Jehovatapash, shuj gentecunatapash juyaimanda, Bibliapi yachachishcacunatapash alicachimanda alita rurachun animana capangui. Alitami rurana canguichi nishpa rimanapa randica, paicunallata pensarishpa alita rurachunmi ayudana capangui. Quiquin parlai tucuchijpica, alita rurana munaitami charina can. Paicunaca na pingai tucushpachu quedana can.

Jehovata alabapangui. Bibliapi yachachishcacunamanda, mandashcacunamanda parlashpami, Jehová Dios imashina cajta, ñucanchita ninanda juyajtapash ricuchina capangui. Jehová imashina sintirijta yarishpa, paipa ñaupajpi ali ricuringapaj munachun ayudapangui.