Поможин е манушенге со шунена тут те испитинен пе. Пуч пучиба кола со ка поможинен е манушенге те испитинен пе хем те дикхен со иси лен ко вило.

Сикав доверба кај адала со шунена тут мангена те постапинен исправно. Поттикнин лен те размислинен соске керена шукар буќа. Поможин ленге те манген те керен о буќа таро исправна мотивија — таро мангипе спрема о Јехова, спрема о мануша хем спрема о чачипе тари Библија. Наместо те икере ленге лекцие, поможин ленге те хаљовен кобор тано мудро адава со пишинела ки Библија. Ма кер те осетинен пе крива или те лаџан, него трудин тут ко крајо таро говор те овен охрабриме хем поттикниме те ден пло најшукар.

Поможин ленге те размислинен башо Јехова. Истакнин сар таро сикљојба, начелија хем заповедија сој пишиме ки Библија дикхена пе е Јеховаскере особине хем лескоро мангипе спрема аменде. Поттикнин лен те размислинен сар осетинела пе о Јехова хем те манген те керен адава со мангела ов.