Pomožin e manušendže te razmislinen pestar. Koristin pučiba kola ka podstakninen e manušen te razmislinen pestar hem te dikhen so isi ljen ko po vilo.

Pomožin e manušendže te razmislinen sose diso čerena. Podstaknin e manušen te razmislinen sose čerena šukar buča. Pomožin ljen te mangen te čeren odova, sebepi so mangena e Jehova, e manušen hem e biblijako čačipe. Ma vačer samo so valjani te čeren, nego pomožin ljen te haljon kobor tane mudra e biblijake savetija. Ko kraj ando toklo govor, o manuša na valjani te osetinen pe ladžačerde, nego valjani te oven ohrabrime te den sa pestar te čeren odova soj tano šukar.

Pomožin ljen te razmislinen ando Jehova. Naglasin sar ko biblijake sikljoviba, načelija hem zapovestija dičhona e Devljese osobine hem oljeso mangipe premalo amende. Pomožin e manušendže te razmislinen sar tano e Jehovase ked on čerena diso hem podstaknin ljen te mangen te čeren oljesi volja.