Aidé azo so ayeke mä mo ti bâ ala wani. Hunda ambeni tënë so ayeke aidé ala ti gbu li na ndö ti atënë so ayeke na yâ ti bê ti ala.

Wa ala ti duti na nzoni bibe. Wa azo so ayeke mä mo ti gbu li na ndö ti raison so ndali ni ala yeke sara anzoni kusala. Mû maboko na ala ti zia si anzoni bibe tongana ndoye ti Jéhovah, ti amba ti ala zo nga na ti afango ye ti Bible la apusu ala ti sara ye. Mû maboko na ala nga ti bâ so atënë ti Bible ayeke atënë ti ndara, me mo gbu ala gbungo na ngangu ape. Fâ ngbanga na ndö ti ala ape, me na hunzingo ti devoir ti mo ni mo kpengba ala, mo pusu ala ti sara ye so ala peut ti sara.

Gboto lê ti ala na ndö ti Jéhovah: Fa tongana nyen la afango ye ti Bible, amama-ndia ni nga na andia ni afa na gigi asarango ye ti Nzapa nga afa so lo ye e. Aidé azo so ayeke mä mo ti ye apensé ti Jéhovah nga ti gi ti nzere na lê ti lo.