Sita labakulalele kutsi batihlolisise. Buta imibuto lengadzingi mphendvulo kute usite labakulalele bahlolisise indlela labativa ngayo ngendzaba.

Yetama kutfola tisusa letinhle kulabakulalele. Khutsata labakulalele kutsi batitfolele tizatfu tekwenta imisebenti lemihle. Basite babe netisusa letinhle—njengekutsandza Jehova, kutsandza bomakhelwane, nekutsandza timfundziso teliBhayibheli. Bonisana kahle nalabakulalele; ungabaphoceleli. Esikhundleni sekukhuluma intfo letatibangela emahloni, bashiye bakhutsatekile, banesifiso sekwenta lokuncono kakhulu.

Bente banake buhle baJehova. Gcizelela indlela timfundziso teliBhayibheli, timiso talo, kanye nemiyalo yalo lokuveta ngayo buhle baNkulunkulu nendlela lasitsandza ngayo. Khulisa sifiso salabakulalele sekutsi bacabange ngendlela Jehova lativa ngayo futsi bafune kumjabulisa.