Wasaidie wasikilizaji wajichunguze. Uliza maswali yasiyohitaji majibu ili kuwasaidia wasikilizaji wachunguze hisia zao.

Wachochee wawe na nia nzuri. Wasihi wasikilizaji wachunguze kwa nini wanafanya mambo mema. Wasaidie wasitawishe nia bora zaidi ya kutenda mema, yaani, kumpenda Yehova, kuwapenda wanadamu, na kupenda mafundisho ya Biblia. Sababu na wasikilizaji wako; usiwazomee. Badala ya kuwaaibisha, hakikisha kwamba kufikia mwishoni mwa hotuba wanahisi wametiwa moyo na kuchochewa kufanya mengi kadiri wawezavyo.

Mwelekezee Yehova fikira. Kazia jinsi mafundisho ya Biblia, kanuni, na sheria zinavyoonyesha sifa za Mungu na jinsi anavyotupenda. Wasaidie wasikilizaji kumpenda Yehova, hilo litawasaidia kufikiria kuhusu hisia zake na kutaka kumpendeza.