Ingarak akapupokokon aitolomun aseununetakec ikulepek. Ingit aingiseta nueinakinete kes aomoom tetere kesi ikulepek iswamaunete aseunetekec.

Kiner ajokisio. Koinak ikapupokokon aomoom ibore ibusakinitor kesi aswam nuejok. Ingarak kesi ajenun ebe ibusakinit arimaarit keda apeleikinet naejok, kanuka amina Yawe, iinacan, keda amin akiro nuisisianakini Ebaibuli. Ingarak ikapupokokon ajenun ajokis naka akiro nuinera Ebaibuli. Komam isurumit kesi ileic arai bo ainakinit kesi aipup erono, isinyikok kesi ainyikokinit aswam nuejokuka kotoma oinerikon.

Koinak Yawe aibuses. Itacau epone loepedoriata aisisianakineta, aicoreta ka ikisila luka Ebaibuli aingarakin oni ajenun iponesio luka Edeke aimoriarit aminake kanuwok. Koinak ikapupokokon apodokinit aricit aicoreta nuka Yawe ka aisiyalamikinit nges.