A tauturu i te taata ia hiˈopoa ia ratou iho. A faahiti i te mau uiraa o te turai i te taata ia hiˈopoa i to ratou aau.

A tauturu atu ia hiˈopoa i to ratou manaˈo turai. Eaha te tumu e rave ai ratou i te mau ohipa maitatai? No te here mau anei ia Iehova, i te taata tupu e no te haapao i ta te Bibilia e haapii ra? Eiaha e parau eaha te tia ia rave, a faaohipa râ i te Bibilia no te haaferuri ia ratou. Eiaha e faahapahapa aore ra e faahaama, ia faaitoito atu râ ta oe mau parau hopea ia rave i te maraa ia ratou.

A tauturu atu ia feruri ia Iehova. A haapapu e nafea te mau haapiiraa, aratairaa e faaueraa Bibilia e faaite ai i te mau huru maitatai o te Atua e i to ˈna here ia tatou. A faaitoito i te taata ia feruri i to Iehova manaˈo e huru e ia imi i ta ˈna farii maitai.