Giuta le persone a pensar come meter in pràtica. Fà domande che le giuta a pensar in si stesse e capir cossa che le sente.

Giùtale a gaver la motivassion giusta. Giuta le persone a pensar parché che le fà cose bone. Giùtale a far quel che l’è giusto cola motivassion giusta: parché le ama a Geovà, le persone e la Bìblia. Rassiossina con lore ma no stà mia farghe la prèdica. Invesse de farle sentir con vergogna, fà de una maniera che nel fin del to discorso le se sente incoraiade a far el so meio.

Daghe la atension a Geovà. Mostra come quel che la Bìblia la insegna, i so prinsipi e i so comandamenti i ne giuta a cognosser ben Geovà e el so amor par noantri. Giuta le persone a veder parché l’è sempre bon pensar in quel che Geovà ghe piase e come assarlo contento.