Buligi an imo mamarati nga usisahon an ira kalugaringon. Pagbangon hin retorikal nga mga pakiana nga mag-aaghat ha ira nga usisahon an ira kalugaringon.

Aghata an mag-opay nga motibo. Aghata an imo mamarati nga usisahon kon kay ano nga nagbubuhat hira hin maopay. Buligi hira nga makultibar an pinakamaopay nga motibo—gugma kan Jehova, ha igkasi-tawo, ngan ha mga katutdoan han Biblia. Ipakita ha ira nga maaramon an ginsisiring han Biblia; ayaw hira pagsinermoni. Imbes nga pakaalohan, dasiga hira nga buhaton an ira pinakamaopay.

Idirekta an atensyon ngadto kan Jehova. Pabug-ati kon paonan-o an mga katutdoan, mga prinsipyo, ngan mga sugo han Biblia nagpapakita han kalidad han Dios ngan han iya gugma ha aton. Buligi an imo mamarati nga makultibar an hingyap nga tagdon an pagbati ni Jehova ngan lipayon hiya.