Kuité épouô a létsa’ nèt zôp pô méngnwèt. Yè ménzèté mi é tshounè wôp a léfhœuté té nzhè kwa’ épouô pi pô épiè.

Tshouné épouô a léwuè akwangté mbông. Gheuè tè épouô é fhœuté anè ajoumi a tshounè wôp a léwuè atshuè mbông. Gheuè tè pô zhè nguè: nkông-né zi pô wè a mbou Joovah, a mbou épouô ménông, mbô anè ajoumi Biible a zi’né, mè pôngté a létshounè wôp a léwuè akwangté mbông. Kè’tè ashoung-né a mbou pôp ntôk a létsuêtè wôp. Ndè’ o thou mélô’ môp; gheuè té ngué mak ashoung-nè jou, pô jou’ nguè o seumtè wôp a lé pou ngheu azôp ajoumi pô ghô kou’ éwou.

Shoung-ô akwangté épouô ntshiè anè Joovah. Tsui pa’ ménteukné, ngheu mémbeu mbô émô’ métsoo mi é nteu Biible é kuité a lézhè pa’ Joovah a poup, mbô pa’ a tsui yimpè nkông-né zi poup. Gheuè tè épouô é zhè pa’ Joovah a jou’ ngô poup, mbô pa’ pô ghô gheuè ajoumi a pông-ô yi poup.