Sadisa batu bo balembo wa bakitadila bumboti. Yuvula biuvu bio bifueti tuma batu bo balembo wa bayindula ayi batadila diaka phila yo balembo zingila.

Kindisa batu batomba vanga mambu mamboti. Kindisa batu bakiyuvula bila mbi bafueti vangilanga mambu mamboti. Wubasadisa bazola Yehova, bazola badiawu, bazola malongi ma Bibila ayi nzola beni yi batuma bavanga mambu mamboti. Kadi teminina batu, vayi wubasadisa bayindula. Yela ba diambu dimbimbi kubafuisa tsoni, bika disolo diaku dibakindisa ayi dibatuma muingi bavanga diaka mambu mamboti.

Sadisa batu bamona kaka Yehova. Monisa phila malongi, zitsikudukusu ayi minsiku mi Bibila mieta monisina bikadulu bi Nzambi ayi nzol’andi kuidi beto. Sadisa batu bo balembo wa bamona tsisi yi monisa Yehova kiadi, vayi batomba kunyangidika.