PWONY ME 20
Dol Te Lokki i Yo Maber
Latitlok 12:13, 14
GIN ME ATIMA: Ka itye ka dolo te lokki, cuk cwiny jo ma tye ka winyi me jolo ki keto i tic gin ma gupwonyo.
KIT ME TIMONE:
-
Wek lokki me agikki obed ma kubbe ki wi pwony-nyi. Nwo lok ma pigi tego ki wi lok me pwony-nyi.
-
Cuk cwiny jo ma tye ka winyo lokki. Nyut bot jo ma tye ka winyo pwonyi-nyi gin me atima, dok iminigi tyen lok mucwiny me timone. Lok i yo ma nyuto ni iye gin ma itye ka wacone-ni ki cwinyi ducu dok obedo lok ma pire tek.
-
Wek lokki me agikki obed ma niang iye yot dok macek. Pe icak lok i kom gin manyen ma obedo lok ma pire tek. Lok macek kun icuko cwiny dano me keto pwony meno i tic.
