PONJI MI 20
Nidolo dhu ponji i ayi ma cuu
Eklizia 12:13, 14
LEMBE M’ICOPO TIMO: Kinde m’ibecoko dhu ponji peri, dwog iwi lembe ma copo cwalu juwinj niyio gin ma giai giwinjo, man nimaku yub mi tio kude.
KITE M’ICOPO TIMO KO:
-
Cok dhu wec i ayi m’eromb ko ku lembe m’iai iponjo. Dok iwi lembe ma dongo dongo mi ponji peri, man iwi thiwi ponjine.
-
Mii amora i kum ju m’ubewinji. Kony juwinj ging’ei gin ma gicikiri nitimo, man nyuth igi nia pirang’o ukwayu gitim kumeca. Wec i ayi ma nyutho nia in de iyio andhandha gin m’ibeyero man nia pire tie tek.
-
Cok dhu ponji i adundo man i kite ma yot. Saa m’ibecoko dhu ponji, kud iroi paru mange ma nyen. Ku wec m’adundo, kony dhanu gitii ku lembe m’iai iponjo.
