AJUMTALÁB 20
Ka takuy alwaʼ an káw abal ka talabedhaʼ ta tʼilom
Eclesiastés 12:13, 14
RESUMEN: An káw axi ka uluw abal ka talabedhaʼ ta tʼilom, kwaʼal ka eyendhaʼ abal ka tólmiy jitaʼ ti otsʼówiyal abal kin léʼnaʼ kin punuw ti tʼajbiláb an exobchixtaláb.
JANTʼINIʼ KA TʼAJAʼ
-
Tin taltal an exobchixtaláb ka tsáb uluw in bij an tʼilomtaláb. Ka tsáb olnaʼ in bij an tʼilomtaláb ani an tsalapchik axi más exbadh al an tʼilomtaláb o ka eyendhaʼ píl i káw abal ka uluw jawaʼ más exbadh.
-
Ka tólmiy abal kin léʼnaʼchik kin punuw ti tʼajbiláb jawaʼ a exóbchij. Ka tejwamédhanchij jantʼoj játs axi kwaʼal kin tʼajaʼchik. Ka tʼilomiy kʼal i chubaxtaláb ani ka tejwamédhaʼ abal jawaʼ a olnál chubax a belál.
-
Ka eyendhaʼ wéʼ i káw ani axi yab kʼibat abal ka talabedhaʼ an tʼilomtaláb. Yab ka olnaʼ jún i exobchixtaláb axi yab a eyendhaʼ al an tʼilomtaláb. Yab ka eyendhaʼ yán i káw ani ka tólmiy abal jitaʼ ti otsʼówiyal kin léʼnaʼ kin punuw ti tʼajbiláb jawaʼ a olnaʼ.
