ITHOMO RĨA 20
Kĩrĩkĩrĩro Kĩega
Kohelethu 12:13, 14
NA NJĨRA NGUHĨ: Ciugo-inĩ ciaku cia kũrĩkĩrĩria, ĩkĩra athikĩrĩria aku ngoro metĩkĩre na mahũthĩre maũndũ marĩa meruta.
ŨRĨA ŨNGĨKA ŨGUO:
-
Onania ũrĩa kĩrĩkĩrĩro gĩaku kĩranyitana na ũhoro ũrĩa warĩrĩria. Cokera kana ũgwete na njĩra ĩngĩ maũndũ marĩa manene o hamwe na kĩongo kĩa ũhoro ũcio.
-
Ĩkĩra athikĩrĩria aku ngoro moe ikinya. Onia athikĩrĩria aku ũrĩa marabatara gwĩka na ũmahe itũmi njiganu cia gwĩka ũguo. Onania ũritũ wa ũhoro ũrĩa ũrarĩrĩria na warie ũrĩ na ũũma.
-
Rĩkĩrĩria na ciugo hũthũ na nini. Ndũkongerere maũndũ mangĩ manene. Hũthĩra ciugo nini gwĩkĩra athikĩrĩria ngoro o rĩngĩ nĩguo moe ikinya.