BUŊGƐI WALII 20
Suɛi Chiiyo Nyɛkɛndɛi
Ikilisiaatii 12:13, 14
SƆƆŊ KULLOŊ: Te a hiŋ suɛi numnde chiiyo pɛ, dɛɛniaa wanaa cho num nilaŋ yaŋɔɔ wa ma chɛl nduyɛ ma dɔu nyɛ nda pɛɛku wo o wali niŋ.
VƐƐ Ŋ TOSA YƐ HEI?
-
Tosa mi waŋnda che sɔɔŋ kulloŋ te a hiŋ pɛ chiiyo. Miŋgi sondoo o sɔɔŋ kulloŋ choo a suɛi lebolle.
-
Tosa mi wanaa cho num nilaŋ yaŋɔɔ wa tosa nyɛ ŋ cho nda dimullo wo. Chɔm wanaa cho num nilaŋ yaŋɔɔ wa nyɛ nda nɔ ma tosa wo, nduyɛ ma chɔm nda sabu sɔviɔɔ le keŋ tosaa. Soo a kɔllo kpou nduyɛ ma chɔm maa a laalaŋ nyɛ ŋ cho dimioo wo.
-
Kaya kayaa sɔɔŋ o chiiyo niŋ te. Huŋ a sɔɔŋ lebolluŋ sɛnɛi cheleŋ o chiiyo niŋ te. Tosa sɔɔŋ tɛtɛlɛ. Dɛɛniaa waŋnda ma tosa nyɛ nda pɛɛku wo.