ISAMBILILO 20
Amazwi ya Kulecelezya Amazima
Ekawizya 12:13, 14
IVISINKA VYA KWIZUKA: Mu mazwi ya kulecelezya, lengani wano mukulandako wavwambisye sana ukukonka vino wasambilila.
IVYA KUCITA:
-
Landani icisinka icikulu ici lyasi. Landani naswinya pa cisinka cikulu cino mukulonda awantu wakwizuka.
-
Womelezyani iwumba ukukonka vino wasambilila. Yavwani iwumba ukumanya ivya kuwomvya ivyewo vino wasambilila swinya mulande ni milandu yino cicindamizile ukuvikonka. Imilandile yinu yifwile ukulenga awantu ukusuwila vino mwalanda nu kuvicindamika nkaninye.
-
Amazwi ya kulecelezya yafwile ukuwa amapepuke ukwizuka. Mutazipizile ukutalika ukulanda pa visinka vinji. Womvyani amazwi amafupi pakulenga iwumba ukukonka vino wasambilila.
