FAMAHAʼÖ 20
Fehede Fangasiwai si Tefaudu
Zangombakha 12:13, 14
RAHU-RAHU: Ba gafuriata huhuomö, andrö khö ndra samondrongo enaʼö latema ba lafalua zi no lafahaʼö yaʼira.
LALA WAMALUA YAʼIA:
-
Tatugöi enaʼö moʼamakhaita wehede fangasiwai nifaʼemamö ba duhonia maʼafefu. Fuli tötöi hadia zi tobali famahaʼö hegöi tuho huhuo nifaʼemamö.
-
Farou dödö zamondrongo. Foromaʼö khöra hadia zinangea lafalua ba hadia mbörö wa lafalua daʼö. Foromaʼö wa faduhu dödömö ba huhuo nifaʼemamö ba moguna sibai daʼö.
-
Ogunaʼö wehede salio muʼila eluaha ba adogoiʼö wamaʼema fehede fangasiwai. Böi faʼema wamahaʼö si bohou. Fili mato hauga ngawua wehede sinangea öʼogunaʼö ba wamarou tödöra enaʼö lafalua zi no larongo.
